Ang marriage counseling in a church setting ay isang espesyalidad na gawain bagamat ito ay limitado lamang sa apat na sulok ng kapilya. Kailangan ang malalim na pang-unawa sa kalikasan at kalagayan ng tao. Hindi ito basta ginagampanan ng sinumang walang ginawang pag-aaral at training sa Church Counseling. Kinakailangan ang sapat na pang-unawa sa salita ng Diyos at kung ano ang tinuturo nito patungkol sa kalikasan ng tao: a) bago mahulog sa kasalanan, b) habang siya ay bilanggo ng kasalanan, c) kapag siya ay nakaranas ng pagkabuhay-muli, at d) kapag siya ay namumuhay na nang hiwalay sa mundo.
